Tag Archives: పత్తి విత్తనాలు

పత్తి రైతుల పై విత్తన కత్తి


పత్తి విత్తనాలు అడిగిన పాపానికి రైతులపై లాఠీలు విరిగాయి. విత్తనం కోసం ఆరాటపడిన అన్నదాత పోలీసు దెబ్బలు తిన్నారు. తెలతెలవారకముందే రైతులు కుటుంబ సభ్యులతోపాటు తరలివచ్చి విత్తనాల కోసం వరసల్లో నిలబడ్డారు. ఎన్ని పడిగాపులు పడినా చాలినన్ని విత్తనాలు దొరక్కపోగా ఒంటినిండా గాయాలు మాత్రం మిగిలాయి. బుధవారం పలు జిల్లాల్లో ఇలాంటి బాధాకర సంఘటనలు చోటుచేసుకున్నాయి.
వరంగల్‌ జిల్లా రేగొండలో పత్తి విత్తన పర్మిట్ల కోసం వరసలో నిలబడిన రైతులపై పోలీసులు లాఠీఛార్జి చేశారు. రేగొండ, తిర్మలగిరి, భాగిర్దిపేట, నారాయణపురం గ్రామాలకు చెందిన రైతులకు పర్మిట్లు పంపిణీ చేయనున్నట్లు అధికారులు గ్రామాల్లో ముందుగా దండోరా వేయించడంతో తెల్లవారుజామున 4 గంటల కల్లా రేగొండలోని ఎంపీడీవో కార్యాలయం ఎదుట రైతులు బారులు తీరారు. అధికారులు 7 గంటలకు రావడంతో ఒక్కసారిగా తోపులాట జరిగింది. పరిస్థితి అదుపు చేయడానికి పోలీసులు లాఠీఛార్జి చేశారు.

* ఇదే జిల్లా శాయంపేట మండలం పెద్దకోడేపాక గ్రామంలో దాదాపు వెయ్యి మంది రైతులుండగా బుధవారం 135 పత్తి విత్తన సంచులే వచ్చాయి. ఉదయం 5 గంటల నుంచే రైతులు వరసలు కట్టారు. మహిళల వరసలో తోపులాట జరగడంతో శాయంపేట ఎస్సై వేణుమాధవ్‌ వారి రెక్కలు పట్టుకొని వెనక్కి లాగారు. కానిస్టేబుళ్లూ ఇదే పద్ధతి అనుసరించడంతో మహిళలు వారితో వాగ్వివాదానికి దిగి తీవ్ర నిరసన తెలిపారు.

లాటరీ తగిలితేనే.. విత్తనం! రైతులు నుంచి డిమాండు ఉన్న కంపెనీలకు చెందిన విత్తనాలకు తీవ్ర కొరత ఉండటంతో.. అదృష్టమున్న వారికే వాటిని అందిస్తామంటున్నారు వరంగల్‌ జిల్లా వ్యవసాయ శాఖ అధికారులు. అదీ ఒక్కొక్కరికి ఒక ప్యాకెట్‌ మాత్రమే. ‘గ్రామానికి కేటాయించిన విత్తన సంచులు ఎవరెవరికి కావాలనేది జాబితా తయారు చేసి పంపిస్తే.. పర్మిట్లు ఇస్తాం’ అని వ్యవసాయ, రెవెన్యూ శాఖ అధికారులు ప్రకటించారు. దీంతో గ్రామాల వారీగా ప్రజలు చర్చించుకుని విత్తనాల భాగ్యం దక్కించుకునే రైతుల్ని ఎంపిక చేసేందుకు లాటరీలు తీస్తున్నారు. కొన్నిచోట్ల వేలంపాట పద్ధతిలో ఎవరు ఎక్కువ ధర చెల్లిస్తే, వారికే విత్తనాలు అందిస్తున్నారు. గూడూరు, చేర్యాల, నర్మెట్ట మండల్లాలోని పలు గ్రామాల్లో ప్రజాప్రతినిధుల సమక్షంలో లక్కీడ్రాలు తీసి విత్తనాలు పంపిణీ చేశారు.
గుడి నిర్మాణానికి చందా ఇస్తేనే.. చెన్నారావుపేట మండలం గురిజాలలో విత్తన లబ్ధిదారుల ఎంపిక కోసం చేపట్టిన లాటరీ ప్రక్రియ వివాదాస్పదంగా మారింది. స్థానికంగా కొంతమంది ఒత్తిడికి తలొగ్గిన అధికారులు గ్రామంలో నిర్మించే దేవాలయానికి చందాలు ఇచ్చుకున్న వారితోనే లాటరీ తీశారు. ఈ విషయాన్ని ఆలస్యంగా తెలుసుకున్న వ్యవసాయాధికారి లాటరీని రద్దు చేస్తున్నామనీ, మళ్లీ గురువారం నిర్వహిస్తామని ప్రకటించారు.
కుటుంబమంతా వరసలో.. ఆదిలాబాద్‌ జిల్లాలో మంగళవారం భారీ వర్షం కురిసింది. విత్తనాలకు ఒక్కసారిగా డిమాండు పెరిగింది. డిమాండ్‌ ఉన్న విత్తనాల కోసం రైతులు కుటుంబ సభ్యులతో తరలుతున్నారు. బుధవారం భైంసాలోని గాంధీ గంజ్‌ దాదాపు నాలుగు వేల మందితో నిండిపోయింది. రైతులు తమ కుటుంబాల్లోని మహిళలు, చిన్నారుల్ని సైతం వరసల్లో నిలబెట్టారు. తోపులాటలు, గొడవలు జరగకుండా పోలీసులు బందోబస్తు ఏర్పాటు చేశారు.

[¯Ãª½Öoª½Õ «Õ¢œ¿© ꢓŸ¿¢©ð X¾Ah NÅŒh-¯Ã©Õ X¾¢XÏºÌ Í䧌Ö-©E œË«Ö¢œþ Í䮾Öh éªjÅŒÕ©Õ ªÃ²Äh-ªîÂîÂ¹× C’ê½Õ. ª½Ö.930ÂË N“¹-ªá¢-ÍÃ-LqÊ NÅŒh¯Ã© ®¾¢<E ª½Ö.1200Â¹× Æ«át-ÅŒÕ-¯Ão-ª½E ‚ªî-XÏ¢-Íê½Õ. 

¹©ã-¹dªý Eª½g-§ŒÖ-EÂË «uA-êª-¹¢’à éªjŌթ Ÿµ¿ªÃo
NÅŒh-¯Ã©Õ ®¾“¹-«Õ¢’à ®¾ª½-X¶¾ªÃ •J-ê’©Ç ÍŒª½u©Õ B®¾Õ-Âî-©ä-Ÿ¿¢{Ö «u«-²Ä-§ŒÕ-¬ÇÈ •œ¿aª½x ®¾£¾É§ŒÕ ®¾¢ÍÃ-©-¹ל¿Õ(\œÎ) Æ•-§ýÕ-¹×-«Öªý X¶¾Õð†ýÊÕ ®¾éª¢-œ¿ª½Õ Í䮾Öh «Õ£¾Ç¦Ö-¦ü-Ê-’¹ªý >©Çx ¹©ã-¹dª½Õ X¾Ûª½Õ-³ò-ÅŒh¢-骜Ëf …ÅŒh-ª½Õy©Õ èÇK Íä¬Çª½Õ. DEåXj Âí¢ÅŒ-«Õ¢C éªjÅŒÕ©Õ Eª½-®¾Ê «u¹h¢ Í䮾Öh •œ¿a-ª½x©ð ªÃ²Äh-ªîÂî Eª½y-£ÏÇ¢* ¹©ã-¹d-ª½ÕÂ¹× «uA-êª-¹¢’à E¯Ã-ŸÄ©Õ Íä¬Çª½Õ. ‘\œÎ Æ•-§ýÕ-¹×-«Öªý éªjŌթ Â¢ Ɠ¹«Õ „Ãu¤Ä-ª½Õ-©åXj ÍŒª½u©Õ B®¾Õ-Âî-«-œ¿„äÕ ¯äª½«Ö?Ñ ÆE “X¾Po¢Íê½Õ. ¨ …Ÿ¿¢-ÅŒ¢åXj \œÎ Æ•-§ýÕ-¹×-«Öªý N©ä-¹-ª½Õ-©Åî «ÖšÇx-œ¿ÕÅŒÖ.. >©Çx ¹©ã-¹dª½Õ ÅŒÊåXj ¹¹~ ²ÄCµ¢X¾Û ÍŒª½u-©Â¹× ¤Ä©p-œ¿Õ-ÅŒÕ-¯Ão-ª½E ‚ªî-XÏ¢-Íê½Õ. ÂíEo ¯ç©© “ÂËÅŒ¢ ²ÄnE¹ £¾ÇJÅŒ X¶¾Jd-©ãj-•ªýq ÊÕ¢* «Ö° «áÈu-«Õ¢“A „çj.‡®ý. ¦Ç«-«Õ-JC ¹¢åX-FÂË ÅŒª½-L-®¾ÕhÊo >©ÇxÂ¹× Íç¢CÊ ‡ª½Õ-«Û-©ÊÕ ÅÃÊÕ Æœ¿Õf-Âî-«œ¿¢ «©äx ÅŒÊåXj ¹¹~ ²ÄCµ-®¾Õh-¯Ão-ª½-¯Ãoª½Õ.

*NÅŒh-¯ÃLo ÆCµÂ¹ Ÿµ¿ª½-©Â¹× Æ«át-ÅŒÕ-¯Ão-ª½Êo éªjŌթ X¶ÏªÃuŸ¿Õ „äÕª½Â¹× •œ¿a-ª½x-©ðE 8 «Õ¢C NÅŒhÊ œÎ©-ª½xåXj ê®¾Õ©Õ Ê„çÖŸ¿Õ Íä®Ï Æ骮¾Õd Íä¬Çª½Õ. D¢Åî ÆCµÂ¹ Ÿµ¿ª½-©Â¹× ÆNÕtÊ „ÃJE ÂùעœÄ ƒÅŒ-ª½Õ-©åXj ê®¾Õ©Õ Ê„çÖŸ¿Õ Íä¬Ç-ª½E Eª½-®¾Ê Åç©Õ-X¾ÛÅŒÖ NÅŒhÊ, ‡ª½Õ-«Û© œÎ©ª½Õx Ÿ¿ÕÂÃ-ºÇ©Õ «â®Ï-„ä-¬Çª½Õ.


అన్నదాత కన్నెర్ర

జడ్చర్లలో విత్తన దుకాణాలపై రైతుల దాడి
మూడుచోట్ల లూటీలు. ఉద్రిక్త పరిస్థితి
డీలర్ల లైసెన్సులు రద్దు.. దుకాణకరీంనగర్‌, వరంగల్‌ జిల్లాల్లోనూ ఆందోళనలు

ప్రభుత్వం ఎప్పట్లా పత్తి విత్తనాల సరఫరా విషయంలో ప్రేక్షక పాత్ర పోషిస్తుండడంతో రైతు తల్లడిల్లుతున్నాడు. ఓ వైపు వానలు రైతును వూరిస్తున్నాయి..మట్టి వాసన చేలోకి రారమ్మని ఆహ్వానిస్తుంటే..ఇంకో వైపు పత్తి విత్తనాల కోసం ఆందోళన తీవ్రమవుతోంది. నిర్ణీత రేటును మించి వ్యాపారులు వసూలు చేస్తున్నారని మహబూబ్‌నగర్‌ జిల్లా రైతులు ఆగ్రహావేశాలు చూపించగా…కరీంనగర్‌, వరంగల్‌ జిల్లాల్లోనూ విత్తనాల కోసం ఆందోళనలు చెలరేగాయి.  వ్యాపారులు పత్తి విత్తనాలకు అధిక ధరలు వసూలు చేయడంతో సోమవారం మహబూబ్‌నగర్‌ జిల్లా జడ్చర్లలో విత్తనాల కోసం వచ్చిన రైతుల ఆగ్రహం కట్టలు తెంచుకుంది. దుకాణాలపై రాళ్ల వర్షం కురిపించారు. మూడుచోట్ల లూటీలు జరిగాయి. జడ్చర్లలోని విత్తన డీలర్లు దాదాపు 10 మంది లైసెన్సులు రద్దు చేస్తున్నట్టు ప్రకటించి, దుకాణాలను సీజ్‌ చేశారు. విచారణ నిర్వహించి అధిక ధరలకు విత్తనాలు అమ్మిన వ్యాపారులపై చర్యలు తీసుకొంటామని ఆర్డీవో విలేఖరులకు వివరించారు. బాదేపల్లి మార్కెట్లోనే విత్తనాలు పెట్టి విక్రయిస్తామని ప్రకటించారు.అంతటితో రైతులు శాతించారు. ఉద్రిక్త పరిస్థితి నేపథ్యంలో పట్టణంలో పోలీసులు భారీ బందోబస్తు ఏర్పాటు చేశారు.

విత్తనాల కోసం రైతుల ఆందోళన

వరంగల్‌: విత్తనాల కోసం వరంగల్‌ జిల్లా రైతన్నలు ఆందోళన బాట పట్టారు. రైతులకు సరిపోను విత్తనాలు సరఫరా చేయాలని డిమాండ్‌చేస్తూ జిల్లావ్యాప్తంగా రైతులు రోడ్డెక్కారు. నర్సింహులు పేట మండలం దంతాపల్లిలో ఖమ్మం-వరంగల్‌ జాతీయ రహదారిపై రైతులు రాస్తారోకో చేశారు. స్టేషన్‌ ఘన్‌పూర్‌లో రైతులు హైదరాబాద్‌, వరంగల్‌ రహదారిపై బైఠాయించి ఆందోళన చేస్తున్నారు. దీంతో రెండువేపులా భారీ ఎత్తున వాహనాల రాకపోకలకు అంతరాయం ఏర్పడింది. ప్రభుత్వం తక్షణం స్పందించి విత్తనాలు సరఫరా చేయాలని రైతులు కోరారు. నిన్న రాత్రి కురిసిన వర్షానికి ధాన్యం పూర్తిగా తడిసిపోవడం కూడా రైతుల ఆందోళనకు మరో కారణం.

పత్తి రైతుపై ‘విత్తు’కత్తులు

నకిలీ విత్తనాలతో రైతులను ముంచుతున్న వ్యాపారులు

* ప్రముఖ బ్రాండ్ల పేరిట విక్రయాలు
* అనుమానం రాకుండా కంపెనీ తరహాలో ప్యాకింగులు
* అసలు ధరలకన్నా రెట్టింపు ధరలకు అమ్మకాలు
* కంపెనీ డీలర్లు, డిస్టిబ్యూటర్లే పాత్రధారులు
* రూ.1800 ఇస్తే నచ్చిన ప్యాకెట్ ఇస్తామని హామీలు
* రసీదులు లేకుండా విత్తనాలు అంటగడుతున్న వైనం
* కోట్లు నష్టపోతున్న రైతులు.. చోద్యం చూస్తున్న సర్కారు
* కర్నూలు కేంద్రంగా రాష్ట్రవ్యాప్తంగా ‘నకిలీ’లలు
* ఈ జిల్లాలో ఒక్క నెలలోనే రూ. 10 కోట్ల నకిలీ విత్తనాల పట్టివేత!

తొలకరి జల్లు పడిందో లేదో అంతలోనే పత్తి రైతుపై ‘విత్తు’కత్తులు విచ్చుకున్నాయి. విత్తన దశలోనే ‘నకిలీ’ తెగులు నలుమూలలకూ వ్యాపిస్తోంది. సర్కారు అండతో బరితెగించిన వ్యాపారులు.. బీటీ పేరుతో ఓటి మాటలు చెబుతూ రైతన్నను నిలువునా ముంచుతున్నారు. నకిలీ విత్తనాలతో అచ్చు కంపెనీలను పోలిన ప్యాకెట్లను రూపొందిస్తూ రైతులకు అంటగడుతున్నారు. తక్కువ ధరకు అమ్మితే అనుమానం వస్తుందన్న ఉద్దేశంతో.. కంపెనీ అసలు ధరల కన్నా రెట్టింపు రేట్లకు విక్రయిస్తున్నారు. కష్టపడడమే తప్ప.. ఈ మాయగాళ్ల గారడీ విద్యలు తెలియని అమాయక రైతు సునాయాసంగా వారి ఉచ్చులో చిక్కుకుపోతున్నాడు. కంపెనీలు అడగ్గానే బీటీ పత్తి విత్తన ధరలు పెంచి రైతులపై ఈ ఖరీఫ్‌లో రూ. 200 కోట్ల భారాన్ని మోపిన రాష్ట్ర సర్కారుకు.. ఈ మోసాల సంగతి తెలిసినా కళ్లుమూసుకుని కాలం గడుపుతోంది. ఊరూరికీ నకిలీ విత్తన ప్యాకెట్లు రవాణా అవుతున్నా ఏమీ చేయలేక, దోపిడీకి పరోక్షంగా సహకరిస్తోంది.
(చుక్కా అప్పారావు/గోపాల్ పిన్నింటి)
కర్నూలు/హైదరాబాద్, న్యూస్‌లైన్: నకిలీ విత్తనాలు పత్తి రైతును చిత్తు చేస్తున్నాయి. బ్రాండెడ్ విత్తనాల పేరుతో వ్యాపారులు వీటిని రైతులకు అంటగడుతూ నిండా ముంచుతున్నారు. సందట్లో సడేమియాలా ప్రముఖ విత్తన తయారీ కంపెనీలు కూడా కృత్రిమ కొరత సృష్టించి.. విత్తనాలను బ్లాక్ మార్కెట్‌కు తరలిస్తున్నాయి. ప్రభుత్వం నిర్ణయించిన ధరలకు దాదాపు 50 నుంచి 100 శాతం ఎక్కువ ధరలకు అమ్ముకుంటూ జేబులు నింపుకుంటున్నాయి. కర్నూలు కేంద్రంగా ఈ నకిలీలలు యథేచ్ఛగా సాగిపోతున్నాయి. ఒక్క నెలలోనే ఈ జిల్లాలో రూ. 10 కోట్ల విలువైన నకిలీ విత్తనాలు దొరికాయంటే ఈ వ్యాపారం ఎంతగా వేళ్లూనుకుపోయిందో అర్థం చేసుకోవచ్చు. నకిలీ విత్తనాలు అమ్మడం, వాటిని అక్రమంగా రవాణా చేసే వ్యాపారులపై 420 కేసులు పెట్టి చేతులు దులుపుకోవడం తప్ప పెద్దగా శిక్షపడేలా చట్టాలు లేకపోవడంతో ఈ వ్యాపారం మూడు ‘ప్యాకెట్లు’ ఆరు ‘నకిలీ’లుగా వర్ధిల్లుతోంది!
కంపెనీ డీలర్లు, డిస్ట్రిబ్యూటర్ల చేతివాటం..
రాష్ట్రంలో సాగయ్యే విత్తనాల్లో ఏటా 15 శాతం వరకు నకిలీ విత్తనాలు ఉంటుండగా.. ఈ ఏడాది అది 30 శాతం పెరిగిందని సాక్షాత్తూ వ్యవసాయ శాఖ అధికారులే చెబుతున్నారు. కర్నూలు కేంద్రంగా సాగుతున్న ఈ నకిలీ విత్తనాల వ్యాపారం ఈసారి కొత్తపుంతలు తొక్కింది. నకిలీ విత్తనాల తయారీ దారులు ప్రముఖ కంపెనీల డీలర్లు, డిస్ట్రిబ్యూటర్ల ద్వారానే ఈ వ్యాపారం చేయిస్తున్నారు. కంపెనీల ప్రతినిధులే ఇస్తుండడంతో రైతులు వారిని నమ్మి మోసపోతున్నారు. డిమాండ్ ఎక్కువగా ఉన్న విత్తనాల పంపిణీ వ్యవసాయ శాఖ ఆధ్వర్యంలోనే జరుగుతోందని చెబుతున్న డీలర్లు, డిస్ట్రిబ్యూటర్లు… దుకాణాల వద్దకు వెళ్లిన రైతులకు విత్తనాలు లేవని చెబుతున్నారు.

దీంతో వెనుదిరుగుతున్న రైతుల వద్దకు డీలర్లు, డిస్ట్రిబ్యూటర్లకు సంబంధించిన వ్యక్తులు (దుకాణాల్లో ఉంటున్న వారే) వచ్చి సంప్రదిస్తున్నారు. రూ.1800 ఇస్తే కోరుకున్న విత్తనాలు ఇస్తామని చెబుతున్నారు. సాయంత్రం దుకాణం మాసేసిన తర్వాత రహస్యంగా రావాలని సూచిస్తున్నారు. పత్తి ఎక్కువగా సాగు చేయని జిల్లాల కోటాను ఇక్కడికి తెచ్చామని, అధికారులతో ఇబ్బందులు ఉన్నందున రసీదులు తర్వాత ఇస్తామంటూ నమ్మబలుకుతున్నారు. నకిలీ ప్యాకెట్ అయితే ఎంఆర్‌పీ కంటే (రూ. 930కి ఒక ప్యాకెట్/డబ్బా) తక్కువధర ఉంటుంది, పైగా రహస్యంగా రమ్మంటున్నారంటే.. అవి నిజంగా కంపెనీ విత్తనాలే కావొచ్చని రైతులు నమ్ముతూ వాటిని కొంటున్నారు.

వరంగల్‌లో జోరుగా వ్యాపారం
పత్తి ఎక్కువగా సాగు చేసే వరంగల్ జిల్లాలో నకిలీ వ్యాపారం జోరుగా సాగుతోంది. నగరంలోని స్టేషన్‌రోడ్డులోని దుకాణదారులు ప్రతి రోజూ ఉదయం సమీపంలోని గ్రామాలకు తమ ప్రతినిధులను పంపించి మరీ అక్రమ వ్యాపారం సాగిస్తున్నారు. ఉదయం గ్రామాలకు వెళ్లి విత్తనాలు కావాలంటే సాయంత్రం ఫలనా చోటుకు రావాలని రైతులకు చెబుతున్నారు. రైతులు అక్కడికి రాగానే రసీదులు లేకుండా రెట్టింపు ధరలకు వీటిని అంటగడుతున్నారు. వ్యవసాయ శాఖ, పోలీసులు, స్థానిక అధికారుల సహకారంతోనే ఈ దందా జరుగుతోంది.

‘‘మా ఏరియాల పోయినసారి బాగా పండిన విత్తనాలు కావాలంటే పెద్ద కంపెనీ ఆయన శనివారం రాత్రి స్టేషన్‌రోడ్డుకు రమ్మన్నడు. మేం పోయినం. కంపెనీ ఆయనతో మాట్లాడుతుంటే పోలీసులు వచ్చారు. మాకు భయమైంది. కానీ కంపెనీ ఆయన పోలీసులకు ఏదో ఇయ్యగానే వారు వెళ్లిపోయారు. మాకు నమ్మబుద్ధికాక విత్తనాలు తీసుకోకుండానే వచ్చాం’’అని వరంగల్ శివారులోని రాంచందర్ అనే రైతు ‘న్యూస్‌లైన్’ వద్ద వాపోయారు. ఆదిలాబాద్, కరీంనగర్, ఖమ్మం, మెదక్, నిజామాబాద్, మహబూబ్‌నగర్, నల్లగొండ, గుంటూరు, కృష్ణా తదితర జిల్లాల్లోనూఈ తరహా వ్యాపారం జోరుగా సాగుతోంది.

సర్కారుదే ఈ పాపం..
రాష్ట్రంలో వరి తర్వాత పత్తి పంటనే ఎక్కువ విస్తీర్ణంలో సాగు చేస్తారు. గత ఏడాది 43 లక్షల ఎకరాల్లో ఈ పంట వేయగా ఇప్పుడు 50 లక్షల ఎకరాల్లో వేస్తారని వ్యవసాయ శాఖ అంచనా వేసింది. ఈ విస్తీర్ణం కోసం 95 లక్షల పత్తి విత్తనాల ప్యాకెట్లు అవసరమవుతాయని లెక్కగట్టింది. విత్తన కంపెనీలు ఇచ్చిన వివరాల ప్రకారం కోటి ప్యాకెట్లు ఉన్నాయని భావించి ఈ విషయంలో నిర్లక్ష్యం ప్రదర్శించింది. కంపెనీలు అడిగిందే తడవుగా బీటీ పత్తి విత్తనాల ధరలను అమాంతంగా ప్యాకెట్‌కు రూ. 180 పెంచేసింది. దీంతో ఎక్కువగా సాగు చేస్తున్న బీటీ-2 పత్తి విత్తనాల 450 గ్రాముల ప్యాకెట్/డబ్బా ధర రూ. 930కి చేరింది. ధరలు అడ్డగోలుగా పెంచిన సర్కారు.. విత్తన సరఫరాను మాత్రం గాలికొదిలేసింది.

ఇదే అదనుగా డిమాండ్ ఉన్న కంపెనీలు ఉత్పత్తి తక్కువగా ఉందంటూ బ్లాక్‌మార్కెట్‌కు తెరతీశాయి. ఎంఆర్‌పీ కన్నా రెట్టింపు ధరలకు అమ్మడం మొదలుపెట్టాయి. వ్యవసాయ శాఖ అధికారులు దీన్ని చక్కదిద్దకుండా ‘ఒరిజినల్ పాసు పుస్తకం ఉంటేనే… అది ఒకరికి ఒక ప్యాకెటే’ అని వింత నిబంధనలు పెట్టారు. దీంతో రోజురోజుకూ ఈ ధర పెరుగుతూనే ఉంది. ఇక్కడ విత్తనాలు దొరికే పరిస్థితి లేదని గ్రహించిన కొందరు రైతులు ఏకంగా మహరాష్ట్రకు వెళ్లి మరీ విత్తనాలు తెచ్చుకుంటున్నారు.

నకిలీ విత్తనాలు కేరాఫ్ కర్నూలు
కర్నూలు జిల్లాల్లో జిన్నింగ్, స్పిన్నింగ్ మిల్లులు ఎక్కువగా ఉన్నాయి. గుంటూరు, ప్రకాశం, నెల్లూరు, అనంతపురం జిల్లాలకు చెందిన కొందరు బడా వ్యాపారులు కర్నూలు కేంద్రంగా నకిలీ వ్యాపారం సాగిస్తున్నారు. రైతులు పండించిన పత్తితో దారం, నూలు ఉత్పత్తి చేసే జిన్నింగ్, స్పిన్నింగ్ మిల్లుల వద్ద పనికిరాకుండా ఉండే గింజలను భారీగా సేకరించి… వాటిని బీటీ విత్తనాలుగా కనిపించేలా రంగులు అద్దుతున్నారు. వాటిని డిమాండ్ ఉన్న విత్తనాల మాదిరిగా ప్యాకింగ్ చేస్తున్నారు. ఏ జిల్లాలో ఏ కంపెనీ విత్తనాలకు ఎక్కువ డిమాండ్ ఉందో ముందే సమాచారం సేకరించి ఆయా బ్రాండ్ల పేరిట నకిలీ విత్తనాలను సరఫరా చేస్తున్నారు. నకిలీ బె డద నివారించేందుకు ప్రతి కంపెనీ ఏటా కొత్తరకం ప్యాకెట్లు, డబ్బాల్లో తమ ఉత్పత్తులను సరఫరా చేస్తుంటుంది.

అక్రమార్కులు మాత్రం డిమాండ్ ఉన్న విత్తన కంపెనీల ఉత్పత్తులు మార్కెట్‌లోకి రాగానే… అచ్చం ఒరిజినల్ ప్యాకింగ్‌ను తలపించేలా ప్యాకెట్లు, డబ్బాలను తయారు చేసి వాటిలో మిల్లుల నుంచి తెచ్చిన విత్తనాలను నింపి ప్యాకింగ్ చేస్తున్నారు. రాత్రివేళల్లో బీటీ రంగులు కలిపే పని చేస్తున్నారు. అనంతరం ఎవరికీ అనుమానం రాకుండా ప్రైవేటు సరకు రవాణా (పార్శిల్ వాహనాలు) కంపెనీల ద్వారా జిల్లాలకు తరలిస్తున్నారు. ఈ వాహనాల్లో తనిఖీలు జరవగవు. దీన్ని ఆసరాగా చేసుకుని బియ్యం ప్యాకెట్ల పేరుతో వ్యాపారులు కర్నూలు నుంచి వీటిని ఇతర ప్రాంతాలకు చేరవేస్తున్నారు. ఇటీవల వ్యవయసాయశాఖ అధికారులు దీన్ని గుర్తించి ప్రైవేటు పార్శిల్ రవాణా సంస్థలకు కర్నూలు కలెక్టర్ ద్వారా నోటీసులు కూడా జారీ చేయించారు.

తొలుత పరీక్ష… తర్వాతే అమ్మకం
బీటీ పత్తి విత్తనాలు విక్రయించాలంటే తప్పనిసరిగా వాటికి జెనెటిక్ ప్యూరిటీ పరీక్షలు చేయించాలి. ఆ తర్వాతే అమ్మకాలకు పెట్టాలి. ఒక జిల్లా నుంచి మరో జిల్లాకు విత్తనాలను తరలించాలంటే వ్యవసాయశాఖ నుంచి కేంద్రీకృత లెసైన్స్ పొంది ఉండాలి. ఇలాంటి లెసైన్స్ ఉన్న కంపెనీలు కర్నూలు జిల్లాలో నాలుగు మాత్రమే ఉండగా… అనధికారిక వ్యాపారులు మాత్రం వేల సంఖ్యలో ఉన్నారు. ఇక్కడ్నుంచి తెలంగాణ జిల్లాలు సహా మొత్తం 16 జిల్లాలకు నకిలీ విత్తనాలు తరలిస్తున్నారు.

అనాథలా వ్యవసాయ శాఖ
హైదరాబాద్, న్యూస్‌లైన్ : ఖరీఫ్‌కు అవసరమైన ఎరువులు, విత్తనాలు, ఇతర పెట్టుబడి ఉపకరణాలు రైతులకు సమకూర్చాల్సిన వ్యవసాయ శాఖ నిద్రమత్తులో ఉంది. పత్తి విత్తనాల కోసం రైతులు ఎన్ని ఇబ్బందులు పడుతున్నా పట్టించుకోవడంలేదు. అన్ని జిల్లాల్లో రైతులు రోడ్లమీదికి వచ్చి విత్తనాల కోసం ఆందోళనలు చేస్తున్నా ముఖ్యమంత్రి కూడా ఈ శాఖపై సమీక్ష నిర్వహించేందుకు ఆసక్తి చూపడంలేదు. విత్తన సరఫరాపై ఆదివారం జరగాల్సిన సమీక్షను కూడా వాయిదా వేశారు. ఆరు నెలలుగా అసలు వ్యవసాయ శాఖను పట్టించుకునే వారే లేకపోవడంతో రైతుల పరిస్థితి దయనీయంగా మారింది. కిరణ్ ముఖ్యమంత్రి కాగానే గత డిసెంబరులో వైఎస్ వివేకానందరెడ్డిని వ్యవసాయ శాఖ మంత్రిగా నియమించారు. కడప, పులివెందుల ఉప ఎన్నికలపై దృష్టి సారించిన ఆయన ఈ శాఖను పెద్దగా పట్టించుకోలేదు. పత్తి విత్తనాల ధరలపై ఏటా ఏప్రిల్‌లో ప్రభుత్వం నిర్ణయం తీసుకునేది. సరిగ్గా ఇదే సమయంలో వివేకా తన మంత్రి పదవికి రాజీనామా చేశారు.

అనంతరం ఉన్నత విద్యా మంత్రి దామోదర రాజనర్సింహాకు వ్యవసాయ శాఖ బాధ్యలు అప్పగించినా ఆయన కూడా పెద్దగా దృష్టి సారించలేదు. పులివెందుల ఉప ఎన్నికల ఫలితాలు వచ్చిన తర్వాతే వ్యవసాయశాఖపై మొదటి సమీక్ష నిర్వహించారు. శాఖ కొత్త కావడంతో పత్తి విత్తనాల అంశంపై నిర్ణయాన్ని ముఖ్యమంత్రికే వదిలేశారు. ముఖ్యమంత్రి క్షేత్రస్థాయి పరిస్థితులు పట్టించుకోకుండా ఈ అంశంలో తీవ్ర జాప్యం చేసి… చివరికి కంపెనీలకు అనుకూలంగా నిర్ణయం తీసుకున్నారు. ధరలు పెంచిన సీఎం విత్తన సరఫరాపై ఒక్కసారి కూడా సమీక్షలు జరపలేదు. అధికారులు కూడా ఎప్పటిలాగే క్షేత్ర స్థాయి పరిస్థితులను పట్టించుకోకుండా అంతా బాగుందనే చెబుతున్నారు.

http://sakshi.com/main/Fullstory.aspx?catid=170213&Categoryid=1&subcatid=33