Tag Archives: ధాన్యం

విత్తనాల కోసం రైతుల ఆందోళన

వరంగల్‌: విత్తనాల కోసం వరంగల్‌ జిల్లా రైతన్నలు ఆందోళన బాట పట్టారు. రైతులకు సరిపోను విత్తనాలు సరఫరా చేయాలని డిమాండ్‌చేస్తూ జిల్లావ్యాప్తంగా రైతులు రోడ్డెక్కారు. నర్సింహులు పేట మండలం దంతాపల్లిలో ఖమ్మం-వరంగల్‌ జాతీయ రహదారిపై రైతులు రాస్తారోకో చేశారు. స్టేషన్‌ ఘన్‌పూర్‌లో రైతులు హైదరాబాద్‌, వరంగల్‌ రహదారిపై బైఠాయించి ఆందోళన చేస్తున్నారు. దీంతో రెండువేపులా భారీ ఎత్తున వాహనాల రాకపోకలకు అంతరాయం ఏర్పడింది. ప్రభుత్వం తక్షణం స్పందించి విత్తనాలు సరఫరా చేయాలని రైతులు కోరారు. నిన్న రాత్రి కురిసిన వర్షానికి ధాన్యం పూర్తిగా తడిసిపోవడం కూడా రైతుల ఆందోళనకు మరో కారణం.